انا حذرت بس ما احد هنا وهذي النتيجه!!!!!

هذا واحد متعذب من بعض الزلاخين ومن القهر قام نزل جميع الزلخات في موضوع ...

ملاحظه*انا اقول الحريم اذا زلخوا على الاقل يحاولو يقنعوك بالزلخه هذي لو اقول لعلى وحده منها ما صدقني

بجيب لكم النصبات مرحله مرحله
والموضوع تراه موب طويل

============================

مره وانا في المدرسه وخاصه في المرحله الإبتدائيه ..
كان صديقي اسمه بندر ..

المهم بندر هذا عنده نصب رهيب .. وانا ساعتها كنت اصدقه لأني مخفه .. ناهيكم على اني دلخ ..
شي فارغين منه ..
بس اول ما ارجع للبيت اقول لأهلي يقولون نصاااااااااااب ..

المهم هذي بعض النصبات ..

يقول مره كنت في غابه الأمزون << هذي بدايتها ..
وكنت اتمشى في الغابه وفجأه اشوف فيل يلاحق ثعبان !!!!!!!!!!!
وانا الحقهم بشوف وش آخرتها ..
الثعبان مااااغط ..
والفيل وراه يمشي ويطيح الشجر وهايج ويصارخ ومن هالكلام ..
وفجأه وقف الفيل .. ضيع الثعبان ..
وقاعد يتلفت يدورها يدورها ..
وفجأه ما امداه يلتفت اللا والثعبان فتحت الثمها فجاه كذا وبسرعه وبعلت الفيل كللللللللللللللللللللللللله ...@@"

لاحظوا الثعبان اذا جت تاكل فار تقعد ساعه اللا ربع @@"
وهذي بلعت الفيل في لمح البصر !!!!!!!!!!

----------------------

النصبه الثانيه ..

يقول كنت امشي بالبر ومعلق ( الأستريو ) في صدره يعني رابطه بحبل ..
وبقول كنت اتمشى واسمع اغاني ..

المراد يقول انه وهو يمشى لقى بير ( بئر )
يقول رحت لمه ابي اشرب مويه @@"
يقول ما امداني اطل مع فتحه البير اللا وطفى المسجل ..
يوم وخرت اشتغل ..

همن قلت شكله خراب في الشريط ..
يوم طليت ثانيه طفى .. ووخرت اشتغل ..

همن طلع له واحد زي السراب ..@@"
قال له وخر عننا هالأغاني ترانا ما نسمع اغاني ..
يقول طفيتها وقلت له جب لي مويه ..
وجاب له مويه وشرب رجع لأهله !!!!!!!!!!!!!!!!

هذي بعض اللي انا اتذكرها حاليا في مرحله الإبتدائي ..

==================================

مرحله المتوسط ..

واحد اسمه محمد ..

يقول ايضا انه في البر وقاعد يتمشى .. لا له ولا عليه ..
ولقى غار ..
يقول جيت ابأدخله ..
واهلي قالوا لي لا تدخله ..
عاد انا رجال لازم ادخله ..

المهم يقول انه دخله ..
وشاف هياكل عظميه ..
3 هياكل عظميه
واحد رجال وواحد حرمه وواحد بزر <<< مدري وش لون درى !!

المهم يقول البزر كان يصيح ..
يتحرك الفك حقه وقاعد يرافس ويصيح <<< اللي هو الهيكل عظمي ..

والأم قامت وراحت سوت له حليب وجت ..
والأبو معصب عليهم يقول سكتوووه سكتووووووه !!!!!!!

يقول انا عاد تركتهم في حالهم ورحت اخاف ازعجهم وبعديت ربي يعاقبني @@@@@"

-----------------------------------

النصبه الثانيه

يقول كانوا عماني رايحين للبر وفجأه انقطعت اخبارهم لمده 3 ايام ..
يوم رجعوا قالوا لنا القصه ..

المهم انهم جوا الصحراء وخلص عليهم البنزين ..
وش يسوون وش يسوون ؟؟؟
فجأه مرت من فوقهم طياره ..
جا عمهم الكبير ( الحكيم حقهم ) اخذ البندر ويتويقع على الطياره وخاصه على تانكي الطياره واطلق عليه ..
وبعدين راح يركض بسررررررررعه معه غظاره يجمع البنزين اللي طاح .. يعني يحاول انه يتلقف البنزين اللي بيطيح .. يوم اخذ كفايته ...
طلع العلك من خشته وحطه في وجه البندق واطلقه على الفتحه اللي فتحها في الطياره وسكرها @@"
والطياره رجعت بسلام وعمانه رجعوا بسلام !!!!!!!!!

========================

الكذبات اللي جتني في الثانوي ..

هذا واحد اجنبي اسمه ساري ..

يقول سلمكم الله ان ابوه شريك في مطعم البيك المشهور في الحجاز !!!!!
هذي اول نصبه .. لأن البيك ماله شريك

-----------------------------------

مفتحي السعودي الأعمى آل الشيخ .. صح ؟؟
المهم اجيكم بالسالفه
يقول انه دخل للمسجد اللي مفتي السعوديه آل الشيخ إمام فيه ..
دخل وهو لابس شورت وفنيله كت وحاط الهيدفون ..

وقال المفتي ..
هيه انت ياللي لابس شورت وفنيله كت وحاط هيد فون اطلع برا ..

اول شي وش لون شافه ؟؟
ثاني شي المفتي بيعرف الشورت والكت والهيدفون ؟؟

-------------------------------------------

الكذبه الثانيه ..

على حياة الملك فهد الله يرحمه .. يقول

انه في اليورمارشيه ... <<< اكيد يرومارشيه لأنه اجنبي هناك تجمعهم
قاعد يتمشى .. وفجأه لقى ( عبدالعزيز بن فهد ) ولد ملك المملكه العربيه السعوديه ..

يقول طقيته طق ..
رضيته رض ..
خليته يصيح .. من طقي له والخوف اللي جاه مني

يا حمار ولد الملك بيجي بالحاله ؟؟
لا وعاد وين ؟؟؟ يورمارشيه !!
ما يمشي اللا ومعه 60 سياره ..!!!

============================

الكذبات اللي في الجامعه مرة ..
وهي قريبه من حقت ساري خوينا ..

وترا اجنبي بعد @@"

المهم يقول ان الأمير سلمان مناسبهم !!!!!!!!!!

----------------------------

يقول بعد ان الملك عبدالله بشكل اسبوعي يجي يتغدى او يتعشى عندهم

-----------------------------

طيب ليييييييييييييش هالنصب كله ؟؟

انا اوجعني راسي من هالنصبات والله .. ضاق صدري
وعلى فكره لو شفت شي ثاني بنزل الجزء الثاني***

والله زلخاااااااااااات محترمه بس عشان كل الشباب يعرفوا ان الرجال والنساء فيه منهم الجيد وفيه منهم السيء..
وصدقونا اننا مانركض وراء زلاتكم لكن حتى تعرفوا ان فيه من بني جنسكم زلااااااااااااخين على اصول clown

امش يالزلخات انا انتظر ردود الشباب اللي في المنتدى اشوف وش بيقولوا ....
اما زلخة الهياكل شي ثاني...
طيب مافيه زلخات ايام الوظيفة؟؟والشيخوخة؟؟
مشكورة يا لمسة ولا تحرمينا مشاركاتك الحلوة يا عسل... I love you

الله يسعد ايامك ياشيخة كذا كسرتي قرون اللي مسوي فيها ينزل زلخات الحريم..
قدها وقدود على التحذير...........

يسلموا حبيباتي على المرور عطرتوا صفحتي....
وانا طبعا ما اقصد كل الشباب اللي مسجلين في المنتدى انا اقصد اللي مشهورييين بالزلخ المحترم
والا بعضهم حتى زلخه زي العسل king

خيييييييير مصدقين ونازلين ترى نصبكم يجيب المرض يععععععععععععععع
silent