اكبر زلخات الحريم ونصباتهم الحلقة الثانية والجديد في الطريق

مرحبا ترحيبتن تسنها البدر ليل اكتماله <<<<تسمع بالشعر

يالله ان تحييهم كل ابووووهم اللي جبروا بخاطري وردو والا زلبوني ولاردو



مالكم بالطويله اكيد انكم يوم قريتوا عنوان الموضوع قلتوا بندخل نشوف وش السالفه كالعاده اللقافه تمشي مليووووون<<<<<زبدت لهم

طبعا كلن منا في هالدنيا قابل ناس واجناس منهم الصادق والتساذب والامين والثرثار <<<يلعن بليس اللي علمتس وشلون مقدمات المواضيع

نعود لمحور حتسينا التسذب وماادراك مالتسذب

صزز والله يافيه ناس تقابلهم يعطونك اياها كبر الجمل طيب وليش ؟يقال له بيسولف

من خلال حياتي العلميه والعمليه قابلت الكثير منهم وقسم لو اقول لكم بعضا من نصباتهم ان تغلقون الموضوع

صدق حريفين ويعطيك اياها اقرب مخرج<<<<<<<

نقدر نقول خيالهم واسع اوسع من صحراء النفود

اللهم لك الحمد واذا سألتوا انفسكم وش يستفيدون؟ماراح تلقون حل

من اكبر النصبات اللي قابلتني في حياتي ويمكن عقبها بغيت انتحر وحدتن من الحريم مره بجلسه

تقول ان ولدها (كان عمرة 9سنوات )

نام بعد العشاء بدون ما يغسل فمة ..والظاهر ما كل زفر ...المهم تقول يوم قام الصبح ..إلا ذيك النفرة اللي وش كبرها تحت فمة

تقول ويوم شفتها انهبلت . .وقلت لأبوة لازم نجيب شيخ يقرأ علية !!!

(يقرون علية عشان نايم ما غسل خشتة <<<<المهم

تقول يوم جبنا شيخ وجلس يقرأعلية في المجلس ,يوم انفتحت النفرة

وطلع منها





^











....خيوط عنكبووووووووت . .وتناثرت في كل مكان . (حشا ...سبايدر مان )..وجلسنا يومين ننظف المجلس

وأن الشيخ يقول هذي نفس ما صلت لى النبي

حدث العاقل بمايعقل<<<<<عاد انا كعيت ضحك موب على سالفتها على خشش الحريم اللي منسجماتن معها بس يوم قالت خيوط عنكبوت واضح انهم بغوا يتهورون ويصبون عليها قاز ويشبون فيها


يالله من هالموضوع خلونا نشوف اكبر واغرب نصابين شفتوهم بحياتكم وحتى لو كنتوا انتم قد كذبتوا اسدحوا قصصكم وخلونا نفرفش ونوسع صدورنا

>>>>>>>>>>ترى حتى هي قد تسبذت لين قالت بس

عاد ان شفت منكم تفاعل ابشروا بتسذباتي وتسذبات أخوياي

وان ماشفت تفاعل <<<<<<<حطيت رجلي ولا من شاف ولا من دري

دايم تذكروا

ولد الشيـــــــوخ..


تنتظر اروع ردودكم ومشاركاتكم

هو صحيح ان زلختها قمه في الزلخات..
لكن من النساء ماهو جيد ومنهن ماهو سيء..والامر سيان مع معشركم ايها الرجال..
لا تظن وقوفنا معا ضدك هو وقوف واعتراض على شخصك لكن موب حلا
طيب قول انت رأيك في المرأه ؟؟؟؟؟
يلبى العيون..

والله انا ماانكر يلبا العيون لكن انا مااتكلم عن العيون والشكل انا اتكلم عن الزلخ والمزلخ المتزلخ يعني الستايل شي واللسان شي ثاني ومشكورة على الرد

انا ما ادري وش السالفة على زلخات الحريم؟؟؟
وش بتقول بعد في الحلقة الثالثة؟؟
ان شاء الله نلاقي مواضيع عن زلخات الرجال!!!
ولو مالقينا اعرف ان من كبر الزلخة ماقدروا ينزلوها على النت...

الله ينصر دينك ياغروب
والله اني من القهر ماعرفت وش اكتب بس عن جد بردتي قلبي
وانت دواك عندي يا التقليد

خيييييييييييير وش قصتك يالاصيل شكلك تبغاني اطلع الفضايح والنصب مزبووووووووط
وتبغاني اطلع من الزلاخ واللي كل كلامه زلخ×زلخ
شووووف انت وكل الزلاخين البقيه انا بعطيكم هذي الفرصه وقسم قسم ما فيه غيرها
انا بطلع بدون ما اقول شي لاني وعدتكم بفرصه لاااااااااااااكن لو شفت نص موضوع عن الحريم ينزله وااحد غير الحريم لا تسالوني وش بسووي
يلله اشوفكم على سماع الاوامر!!!!!!!!!

انا ما اقول ان هذي الحرمه زززززززززززززززلاخه نخب اول بس انت فاهم اني اقصد كل المواضيع اللي قبلها

ابغى افهم على ايش نتفاهم؟؟؟؟ما ادري؟؟؟؟
والحمد لله ان لمسة نزلت شئ من زلخاتكم الصغاااااااااااااااااااااااااار...

وانتي ياصحراء اهم شئ ان قلبك برد...