نبض الحياة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 سرقه الايميلات !!! ارجو التثبيت....

اذهب الى الأسفل 
3 مشترك
كاتب الموضوعرسالة
لمسه حنين
عضو فعال
عضو فعال
لمسه حنين


عدد الرسائل : 136
العمر : 32
البلد : كنق دوم اوف سؤدي اربيا خخخخخخخ
العمل/الترفيه : يا شين استاذه المحادثه
المزاج : مو مزاج مذاكره
تاريخ التسجيل : 26/09/2008

سرقه  الايميلات !!! ارجو التثبيت.... Empty
مُساهمةموضوع: سرقه الايميلات !!! ارجو التثبيت....   سرقه  الايميلات !!! ارجو التثبيت.... I_icon_minitimeالخميس أكتوبر 09, 2008 12:29 am

الســلام عليكــم

اليوم جايب لكم موضوع يهم كل عضو في المنتدى أو بالـ ( أحرى ) < وش عنده فصحى < يهم كل شخص يستعمل الانترنت

ملاحظين في اليومين اللي راحت انه كثرت سرقة الإيميلات في المنتدى ؟
اليوم جايب لكم الطرق اللي تحمي فيها إيميلك من السرقه

أولا
علشان تعرف كيف تحمي ايميلك لازم تعرف الطريقه اللي تسرق فيها الإيميلات
وهي غالباً ما تكون طريقتين

الأولى
وهي تسمى الـ كراكينق
او بالعاميه تسمى ( تنقيز ) الباسوورد

وهذي طرقتها كـ التالي
مثلا مثلا فيه شخص ناوي يزرف إيميلي
وهو يعرفني ويعرف عني معلومات مثل رقم جوال او تاريخ ميلادي او اسماء اخواني
وانا نفرض إني انسان سبيكه
وحاط باسوورد إيميلي رقم جوال أو تاريخ ميلادي أو اول حروف من اسماء اخواني او حاجه زي كذا
فيروح يجرب هو لـ حد ما يزبط معه ويخترق الإيميل ويغير الباس وورد

أو
فيه برامج خاصه بـ الكراكينق
وطريقتها
انك تعطي البرنامج الإيميل وسيرفر الإيميل ( لكل شركة إيميل سيرفر خاص يعني الهوتميل لها سيرفر خاص وياهو بعد سيرفر خاص وكذا
)
وهو يقعد يجرب باسوردات ( اللي غالب الناس حاطينها
)
مثل

123456
أو
ABCDEF
أو
112233
إلى ان يصل للباسوورد


والطرقه الثانيه عن طرق الباتش
وفكرة الباتش كـ الآتي
ان فيه معي شخص في المسنجر
ويرسل لي ملف ( غالباً ما يكون امتداد الملف
>EXE< )
واقبل الملف واذا فتحت الملف ينقطع عندي الإتصال فاسجل الدخول من جديد
واكتب الباسوورد
والباتش في اللحظه هذي يسجل الباس وورد ويرسلها للشخص اللي مرسل لك الباتش
هذي بالنسبه للباتشات اللي تسرق الباسوورد حقت المسنجر
وفيه باتشات إختراق الجهاز كامل
وهي نفس الفكره ( يرسل ملف وتستقبله
)

وفيه طريقه ثالثه بس ماهي مستخدمه بكثره مثل الباتش والكراكينق
وهي انه يعطيك رابط
أو يرسل لك صفحه على الإيميل
ومكتوب فيها ( مثلا ) < يقدر يغير الكتابه على كيفه
>
ادخل ايميلك والباس وورد علشان تسجل دخول
أو ادخل الإيميل والباس ورد علشان تزيد سعة الإيميل
أو بعضهم يستخدم حاجات تجذب الناس ( الزلايب
)
مثل ادخل إيميلك والباسوورد للإطلاع على اكبر مكتبة صور إباحيه
وفيه ناس على الريحه

وبما إننا عرفنا طرق إختراق أو سرقة الإيميل الحين نخش لطرق الوقاية من السرقه أو الإختراق
أول شي
حاول ان الباسوورد حقتك ( سواء ايميل أو منتدى ) انها تكون اكثر من 10 خانات ويكون على الأقل فيها ثلاث حروف علشان اذا جا يسوي كراكينق ما يقدر عليها
ثاني شي
انتبه تستقبل ملف من شخص ما تعرف
والباتشات تكون بالصيغه هذي ( اسم الملف .exe أو اسم الملف .src او اسم الملف
.dll )
اما الصيغ المعروفه مثل

JPG <<
للصور
gif <<
للصور
doc <<
ملفات الوورد
mp3 <<
للأغاني
rm <<
اغاني ريل بلير
ra <<
بعد للريل بلير
ram <<
الريل بلير بعد
فهذي ما منها خوف
ثالث شي
اذا عطاك الشخص رابط وفي الرابط تحميل ملف وتكون صيغة الملف مثل ما ذكرت ( Exe \ dll \ scr ) فإنتبه لا تحمل الا اذا كان الشخص ثقه ومعطيك برنامج
أو عطاك رابط فيه مربع وادخل الباس وورد او الايمل او طلب منك اي شي فقفل الصفحه ( اذا ما كتبت شي فما عليك خوف
)
وبالنسبه للأشخاص اللي انسرقت إيميلاتهم فطريقة إستعادة الإميل عن طريق السؤال السري
وهي
كنك بتسوي تسجيل دخول للمسنجر
بتلقا تحت مكتوب ( نسيت كلمة المرور ؟
)
اضغط عليها
بيطلع لك صفحه
فيها صوره فيها كلام ملخبط ( حروف وارقام ) بيطلب منك انك تدخلها في المربع اللي تحت
دخلها ( نفس الحروف والارقام
)
وبعضهم يسأل ويقول وشهوله هالبثاره والحروف اللي مدري وش تبي
بقول هذي نظام امني علشان يتأكدون ان الشخص اللي راح يدخل على الصفحه آدمي مهوب كمبيوتر لانه التشويش اللي مسوينه للكلام ما يقدر يقراه الكمبيوتر
المهم
بعد ما تدخل الحوسه اللي جابها لك
بيجيب لك خيارين
الاول
ارسال لك رساله لإعادة تعيين كلمة المرور
والثاني
قم بتوفير المعلومات الخاصة بالحساب وإجابة السؤال السري الخاص بك
والاول
اذا خشيت فيه يعطيك خيارين
الاول انه يرسل لك الباس وورد على إيميلك ( وهذا ما عليك منه
)
والثاني انه يرسل لك الباس وورد على الايميل البديل ( الايميل البديل هذا اللي حطيته يوم تسجل في إيميل < معضم الناس ما يحطون ايميل بديل
> )
اذا كنت مستخدم ايميل بديل فالخيار هذا بيريحك
والخيار الثاني ( قم بتوفير
... )
هذا يعيد تعيين الباسوورد عن طريق السؤال السري

(
السؤال السري اللي اخترته يوم سجلت في الايميل وحطيت له إجابه يوم تسجل بعد )
اختر البلد اللي انت فيه
واختر السؤال
واكتب الاجابه بيجيب لك صفحه فيها اعادة تعيين الباس ورد اكتب باس ووردك الجديده ودؤي يا مزيكا

هالحين خلصنا من اللي منسرقه ايميلاتهم
نجي للي للحين ما انسرقت
وابعطيهم كم نصيحه
انكم تسوون اللي قلت اول الموضوع ( الباس ورد اللي ما يقل عن 10 خانات
)
وانكم تروحون وتغيرون السؤال السري ( اذا كنتو ناسينه
)
وتكتبون اجابته وتسجلون كل البيانات وتحفظونها عندكم للحاجه
وبالنسبه لطريقة تغيير السؤال السري
أولا خش لصندوق الوارد حق إيميلك
بتلقا فوق على اليمين مكتوب
( Options )
اضغط عليها
بيطلع لك هرج واجد
بتلقا على اليمين مكتوب (Personal) اضغط عليها
وبيطلع لك خيارات من ضمنها (Secret Question) ومعناها السؤال السري
اضغط عليه
بيوديك لصفحه
وبيطلب منك الباسوورد
وبعدين اختر لك سؤال
واختر إجابه
ولا تنسى تخزنها
وسلامتكم
كتبه : انا
اعده : انا
شرحه : انا
كلش انا << يحب عمره
وانشالله تستفيدون
منقول
الرجوع الى أعلى الصفحة اذهب الى الأسفل
أزهار الكرز
مشرف
أزهار الكرز


عدد الرسائل : 967
العمر : 34
البلد : الرياض..
العمل/الترفيه : الآن ولا شي
المزاج : أم الفله
تاريخ التسجيل : 28/09/2008

سرقه  الايميلات !!! ارجو التثبيت.... Empty
مُساهمةموضوع: رد: سرقه الايميلات !!! ارجو التثبيت....   سرقه  الايميلات !!! ارجو التثبيت.... I_icon_minitimeالإثنين أكتوبر 20, 2008 12:53 am

عن جد شيء يخوف الله يستر علاااانا يالمسه..
الرجوع الى أعلى الصفحة اذهب الى الأسفل
غروب
عضوماسي
عضوماسي
غروب


عدد الرسائل : 858
العمر : 35
المزاج : على حسب
تاريخ التسجيل : 29/09/2008

سرقه  الايميلات !!! ارجو التثبيت.... Empty
مُساهمةموضوع: رد: سرقه الايميلات !!! ارجو التثبيت....   سرقه  الايميلات !!! ارجو التثبيت.... I_icon_minitimeالأربعاء أكتوبر 29, 2008 11:04 pm

الله يستر وبس يالمسة...
خوفتيني على ايميلي..
الرجوع الى أعلى الصفحة اذهب الى الأسفل
 
سرقه الايميلات !!! ارجو التثبيت....
الرجوع الى أعلى الصفحة 
صفحة 1 من اصل 1
 مواضيع مماثلة
-
» عاجل ومهم ارجو التثبيت!!!
» ارجو الدخول..
» عبااااارات ترحيييييييب ارجوا التثبيت..
» طريقة تظليل الصور العاريه ..مهم أرجو التثبيت!!!!!!!!!!!
» هام لجميع الشعراء ولمن يكتب اي موضوع في هذا القسم ....... ارجو الدخول

صلاحيات هذا المنتدى:لاتستطيع الرد على المواضيع في هذا المنتدى
نبض الحياة :: منتديات الكمبيوتر والتكنلوجيا :: الماسنج,الياهو-
انتقل الى: